Distant by Tom Sharp

Peace at home seems empty when distant borders have been crossed and innocent people are being murdered. It’s not enough to have friends and to live on islands of safety if we rest in a belief that we’re different. Traditions come first, but they aren’t everything. Yes, they strengthen us; they unite us; but they don’t harden our hearts.

Sangone by Fatu ’a Kuini Sālote Tupou III

Ne’ine’i hako mei he Tonga Tapa ē ’uhila mei Lulunga Na’e mana ē Feinga-kotone Fake hake ē ’uno ’o Sangone. Lafaipana e pe’i ke mohe ā Kae tuku mai a hota faiva Keu lau fola haka he ’aho ni Ke me’ite ai e mu’a Taloni. Holo pē ’a e nofo ’a mu’a ni Moha sola ’oku taka i Pangai Kau fola si’i Hau-’o-Momo He koe takafi ’etau nofo. He ma’imoa fai ’i Heketa Na’e ’aokai mei Ha’amea ’Isa ’lsa na’e fena pē ka ko Nua Penepena ē ngatu vai fā kula. ’E Fasi’apule ha’u ke ta Ō Tala ho ’Uhinga kihe ’Afio Ke ha e finangalo na’e toi ’O sivi e ’ofa ’oku mo’oni Na’e aikona pe ’o ’omai He na’e ’ikai fa’a hua ’aki ’E Ula mo Leka poto ’i he lau Hono ’ikai ke mālie kia au Ho’o tala ’ae vaha mama’o Kuo vaofi ho tau ’aho Kakala tala kakala mo’oni ’Oku faifio ’o toki manongi. Kisukava e mei Ha’amoa Na’e tali hapo e me’a katoa Kisu ē fūfū mo kokohu ’Ae kau pongia ’i vao ’Ae lou tāngia mo koki Pea moe kapakau tatangi Kau ai ngulungulu mo tokoto Moe vahe taumafa ’oe fono. Pea toki ’ilo ai e koloa Ko e kanokato e tala ’o Tonga Talu ai pē hono fakaili Koe fakama’u ’o Hou’eiki. ’Oku ’ilo eha taha kuo anga ’Ae ola ’o Tangoipomana Pahia ’oho he vaha mohe He kalia na’e tau ki ’One Faka lele kihe Makahokovalu Paki mangamanga ’i he Siangahu. ’Ika moana si’ene fotu Fakahakehake i Fonuamotu Lolongo ma’anu ’i Hakau-tapu No’o ’i Havelu moe koka tapu Koe ola e ’oku ou lau Fafanga ia ’oe fetau Tau tui falahola ’ene hopo He kuo kakai e vaha’akolo.